 Con
estas páxinas sobre Muros queremos, ademais de dar a coñece-los
nosos monumentos e paraxes naturais, que compartan algo da nosa
historia e do noso presente.
A través dun magnífico
texto e dunas excelentes fotografías, amosarémoslles
un anaco desta fermosa terra, das nosas tradicións e unha
mostra das nosas antigas vilas, cheas de pedras labradas por canteiros
que, coas súas mans creadoras, deixáronnos gran cantidade
de igrexas, cruceiros, casas, escudos heráldicos, rúas,
etc.
Cando recorran as rúas
e as paisaxes desta comarca, daranse conta de que estamos nun proceso
de rehabilitación e restauración do patrimonio histórico
e natural, e facémolo así por devoción e pola
obriga de coida-lo que a natureza nos deu e o que os nosos antecesores
nos deixaron.
Dóuvola benvida a
estas páxinas e desexo que gocedes con elas.
Un cordial saúdo.
Caridad González Cerviño
Alcaldesa de Muros
|
